క్షణికమైన జీవితం కోసం ఎందుకీ ఆరాటం?

పరిచయమేలేని ప్రపంచంలోకి

జన్మబంధంతో వచ్చి

అంతులేని అనుబంధాలను పెనవేసుకుని

చివరకు జీవన రణంలో అలసిపోయి

మరణమనే పదునైన పదంతో ఈ భవబంధాలను తెంచుకుంటారు.

జీవన్మరణాల నడుమ ప్రయాణంలో

ఎన్నో పరిచయాలు, తీపి ఙ్ఞాపకాలు,

పంచుకోలేని బాధలు, వదులుకొలేని బాధ్యతలు,

మరెన్నో మౌనంగా మిగిలిపోయిన మధురానుభూతులు.

క్షణికమైన ఈ జీవితం కోసం

ఎందుకీ ఆరాటం??

ఎందుకీ పోరాటం??

అసలెందుకీ ఆర్భాటం??